Меҳмон
TJ | FA | EN | RU
menu

Poets of the classics

The corps of Rudaki
The corps of Mavlono
Shohnomai Firdavsi
Saadi Sherozi

Modern poets

The corps of Loiq Sherali
Mumin Qanoat
Habibullo Fayzullo
Seacrch

Воридшавӣ
 Номнависӣ
Исм: 
Рамз: 
     
The book manual
www.termcom.tj
Accept as a begin page
To lead in selected list
About our site
Please, write to us!
 


1941 - 2000


Шеъри рӯз

ЗАБОНИ ТИР, ЗАБОНИ ҲАҚИҚАТ

Ту ҳар боре камон бар дӯш бебок
Ҳақиқатро бигӯ, мегӯӣ, эй дӯст.
Ба ҳаққи ту агар гӯям ҳақиқат,
Ту дарҳол аз тани ман меканӣ пӯст.

Агар гӯям камон бар дӯши ту: ганҷ,
Агар гӯям камон бар дӯши ту: бахт,
Агар гӯям камон бар дӯши ту: ҷоҳ,
Агар гӯям камон бар дӯши ту: тахт;

Агар гӯям ки ту миллаткушастӣ,
Камон бар дӯш ҳастӣ душмани халқ,
Ба зоҳир роҳбону посбонӣ,
Ба ботин раҳзани ҳақ, раҳзани халқ;

Агар гӯям, ки ту як ҷав наярзӣ,
Камон бар дӯш як дам қаҳрамонӣ
Камонатро чу аз дастат бигиранд,
Куҷо ту қаҳрамонӣ? Қалтабонӣ!

Ҳақиқатро чунин гар рӯ ба рӯят
Бигӯям, бегумон дар он дақиқа
Камонро рост созӣ бар дили ман,
Ва ё андозӣ тирам бар шақиқа.

Ҳақиқатро бигӯ гуфтӣ, бигуфтам,
Ки ҳаргиз менагунҷад дар гумонат.
Яқин дидам, ки ҷони ҳақварамро
Замонат нест аз тиру камонат.

Камон бар дӯшу сад тороҷу толон...
Ҳақиқат? Боз мегӯӣ ҳақиқат?
Ба ту бояд сухан аз дайюсӣ гуфт,
Ба ту бояд сухан гуфт аз ҳамоқат.

Ҳақиқат? Боз мегӯӣ ҳақиқат?
Ҳақиқат ин ки бар ман деҳ камонат,
Ки бар ҳаққи ҳама бедодкорит
Бипарронам зи чашму аз даҳонат!


Бипарронам зи чашмат, то бибандам
Ба сӯи ганҷҳо роҳу тариқат,
Камонатро кунам чӯби мазорат.
Ҳақиқат ин бувад! Маҳзи ҳақиқат!

Ҳақиқат? Боз мегӯӣ ҳақиқат?
Ҳақиқат хурда милёнҳо сари мард
Забона зад ҳақиқат аз забоне,
Забони тир онан кӯтаҳаш кард.

Ҳақиқат? Боз мегӯӣ ҳақиқат?
Ҳақиқат бо камон тавъам набошад.
Забони тир то оташфишон аст,
Ҳақиқат дар ҳама олам набошад!

10.03.1994

 
new articles
The future of Tajikistan
General base of development of National Language.
General principle of agreement.
Language of Science and National Literary Language.
The problem of standartizatsion.
National Language is basical element of Statebuilding.
Our friends
www.cit.tj - School information and telecommunications technologies
Babilon-T
Children’s Fond «Oshyoni Baland» by name of Mirzo Tursunzoda
 
   
© 2006-2007 termcom, shuk_design. All Rights Reserved
764025, Republic of Tajikistan, Dushanbe city, х. Rudaki 33
tel: (+992 37) 227 28 52; E-mail: info@termcom.tj