|
Ҷилди I: ОҒОЗИ ДОСТОН
Сухангӯй деҳқон чӣ гӯяд нахуст,
Ки тоҷи бузургӣ ба гетӣ кӣ ҷуст?
Кӣ буд он ки дайҳим бар сар ниҳод?
Надорад кас аз рӯзгорон ба ёд.
Магар, к-аз падар ёд дорад писар,
Бигӯяд туро як ба як аз падар,
Ки номи бузургӣ кӣ овард пеш?
Киро буд аз он бартарон поя беш?!
Пижӯҳандаи номаи бостон,
Ки аз паҳлавонон занад достон,
Чунин гуфт, к-«Оини тахту кулоҳ
Каюмарс оварду ӯ буд шоҳ.
Чу омад ба бурҷи ҳамал офтоб,
Ҷаҳон гашт бо фарру оину об,
1 2 3 4 >>> |