|
Ҷилди II: ДОСТОНИ ҶАНГИ ҲАФТ ГУРДОН
Чу бо марг кӯшиш надорад-т суд,
Кунун расми Рустам бибояд шунуд.
Чӣ гуфт он сароянда марди далер,
Ки ногаҳ баровехт бо наррашер,
Ки гар номи мардӣ биҷӯӣ ҳаме,
Ба хун теғи ҳиндӣ бишӯӣ ҳаме,
Зи бадҳо набояд-т парҳез кард,
Чу пеш оядат рӯзгори набард.
Замона чу ояд ба тангӣ фароз,
Ҳамоно нагардад ба парҳез боз.
Чу ҳамраҳ кунӣ маргро бо хирад,
Далерат зи ҷанговарон нашмарад.
Хирадрову динро раҳе дигар аст,
Суханҳои некӯ ба банд-андар аст.
1 2 3 4 5 6 7 8 9 10 11 12 >>> |