|
Ҷилди III: АРӮСИИ ФАРАНГИС БО СИЁВУШ
Чу хуршед аз чархи гарданда сар
Баровард бар сони заррин сипар,
Сипаҳдор Пирон миёнро бубаст,
Яке бораи тезтак -бар нишаст.
Ба кохи Сиёвахш бинҳод рӯй,
Басе офарин кард бар фарри ӯй.
Чунин гуфт, к-«Имрӯз барсоз кор
Ба меҳмонии духтари шаҳрёр.
Чу фармон диҳӣ, ман сазовори ӯй
Миёнро бубандам ба тимори ӯй».
Сиёвахшро дил пурозарм шуд,
Зи Пирон рухонаш пур аз шарм шуд,
Ки домод ӯ буд бар духтараш,
Ҳаме буд чун ҷону дил дар бараш.
1 2 3 4 5 >>> |
