|
Ҷилди III: РАФТАНИ ФАРАНГИС БО КАЙХУСРАВ
ВА ГЕВ БА ЭРОН
Чу ин карда шуд, барниҳоданд зин
Бар он бодпоёни боофарин.
Фарангис тарге ба сар барниҳод,
Бирафтанд ҳар се ба кирдори бод.
Сарон сӯи Эрон ниҳоданд гарм,
Ниҳон? чунон чун бувад нарм-нарм.
Намонд ин сухан як замон дар нуҳуфт,
Кас омад ба наздики Пирон, бигуфт,
Ки «Омад зи Эрон сарафроз Гев,
Ба наздики бедордил шоҳи нев.
Сӯи шаҳри Эрон ниҳоданд рӯй,
Фарангису шоҳу яли ҷангҷӯй».
Чу бишнид Пирон, ғам? гашт сахт,
Биларзид бар сони шохи дарахт.
1 2 3 >>> |