|
Ҷилди III: БОЗГАШТАНИ ЭРОНИЁН БА НАЗДИ
ХУСРАВ
Чу барзад сар аз кӯҳ тобанда шед,
Баромад сару тоҷи рӯзи сапед.
Сипоҳи пароканда гирд омаданд,
Ҳаме ҳар касе достонҳо заданд,
Ки чандин зи Эрон сипаҳ кушта шуд,
Сари бахти солори мо гашта шуд.
Чунин чира шуд дасти туркон ба ҷанг,
Сипаҳро кунун нест ҷои диранг.
Бари шоҳ бояд шудан бегумон,
Бубинем, то бар к? гардад замон.
Агар шоҳро дил пур аз ҷанг нест,
Марову туро ҷои оҳанг нест.
Падар беписар шуд, писар бепадар,
Басе хаставу гашта пурхун ҷигар.
1 2 3 4 5 6 7 >>> |