|
Ҷилди VI: РАЗМИ РУСТАМ БО ПӮЛОДВАНД
Чу бишнид Рустам, дижам гашт сахт,
Биларзид бар сони шохи дарахт.
Биёмад ба наздики Пӯлодванд,
Варо дид бар сони кӯҳи баланд.
Ғамӣ гашт аз он чор гурди далер,
Чу гӯрону душман ба кирдори шер.
Сипаҳро ҳама бештар хаста дид,
В-аз он рӯй пархош пайваста дид.
Ба дил гуфт, к-ин рӯзи мо тира гашт,
Сари номдорони мо хира гашт.
Ҳамоно, ки баргашт пайкори мо,
Ғунуда шуд он бахти бедори мо.
Бияфшурд рон, Рахшро тез кард,
Барошуфту оҳанги овез кард.
1 2 3 4 5 6 7 8 9 10 >>> |