|
Ҷилди VI: БОЗГАШТАНИ РУСТАМ БА СИСТОН
Таҳамтан ба як моҳ наздики шоҳ
Ҳаме буд бо ҷом дар пешгоҳ.
В-аз он пас чунин гуфт бо шаҳрёр,
Ки «Эй пурҳунар хусрави тоҷдор.
Ҷаҳондор бодонишу некхӯст,
Валекин маро чеҳри Зол орзуст».
Дари ганҷ букшод шоҳи ҷаҳон,
Зи пурмоя чизе, ки будаш ниҳон
Зи ёқуту аз тоҷу ангуштарӣ,
Зи дебову аз ҷомаи барбарӣ,
Парастор бо афсару гӯшвор,
Сад аспу сад уштур ба зину ба бор,
Табақҳои заррин пур аз мушку уд,
Ду наълайни заррину ҷуфти амуд,
1 2 >>> |