|
Ҷилди VI: ФИРЕБ ДОДАНИ ГУРГИН БЕЖАНРО
Бадандеш Гургини шӯридаҳуш,
Ба як сӯ ба беша даромад хамӯш.
Ҳама беша омад ба чашмаш кабуд,
Бар ӯ офарин карду шодӣ намуд.
Ба дил-ш андаромад аз он кор дард,
Зи бадномии хеш тарсид мард.
Дилашро бупечид аҳримано,
Бадӣ сохтан хост бар Бежано.
Сиголиш чунон буд, набишта чунин,
Накард эч ёд аз ҷаҳонофарин.
Касе, к-ӯ ба раҳ барканад жарф чоҳ,
Сазад, гар кунад хештанро нигоҳ.
Зи баҳри фузуниву аз баҳри ном,
Ба роҳи ҷавоне бигустард дом.
1 2 3 4 >>> |
