|
Ҷилди V: Накӯҳиш кардани Зол Кайхусравро
Шунид ин сухан Золу бар пой хост,
Чунин гуфт, к-«Эй хусрави роду рост,
Зи пири ҷаҳондида бишнав сухун,
Чу каж оварад рой, посух макун,
Ки* гуфтор талх аст бо ростӣ,
Бубандад ба талхӣ дари костӣ.
Набояд, ки озор гирӣ зи ман
Аз ин ростӣ пеши ин анҷуман.
Ба Туронзамин зодӣ аз модарат,
Ҳам он ҷо буд орому обишх(в)арат.
Зи як сӯ набера рад Афросиёб,
Ки ҷуз ҷодувӣ шаб надидӣ ба хоб.
Чу Ковуси дижхим дигар ниё,
Пурожанг рух, дил пур аз кимиё.
1 2 3 4 5 >>> |