|
Ҷилди V: Андарз кардани Кайхусрав ба
эрониён
Чунин гуфт пас шоҳ бо Золи Зар
Ки «Акнун бубандед яксар камар.
Туву Рустаму Тусу Гударзу Гев,
Дигар ҳар ки ӯ номдор асту нев,
Саропарда аз шаҳр берун баред,
Дурафши ҳумоюн ба ҳомун баред.
Зи хиргоҳу аз хайма чандон, ки ҳаст,
Бисозед бар дашт ҷои нишаст.
Дурафши бузургону пилу сипоҳ,
Бисозед равшан яке базмгоҳ!»
Чунон кард Рустам, ки Хусрав бигуфт,
Бибурданд пардасарой аз нуҳуфт.
Ба ҳомун кашиданд эрониён,
Ба фармон бубастанд яксар миён.
1 2 3 4 5 6 >>> |