|
Ҷилди V: Лашкар оростани Хусрав
Чу аз пеши Хусрав бурун шуд Ҳаҷир,
Сипаҳбад ҳаме рой зад бо дабир.
Зи бас меҳрубонӣ, ки буд бар сипоҳ,
Саросар ҳама разм буд рои шоҳ.
Ҳаме гуфт: “Агар лашкар Афросиёб
Биҷунбонад аз ҷою бугзорад об,
Сипоҳи маро бугсилонад зи ҷой,
Маро рафт бояд чунин аст рой.
Ҳамон гаҳ шаҳи Нӯзаронро бихонд,
Бифармуд, то тез лашкар биронд.
Ба сӯи Деҳистон сипаҳ баркашид,
Ҳама дашти Хоразм лашкар кашид.
Нигаҳбон Ашкаш бувад рӯзи ҷанг,
Ба ҷанг-андар ояд ба сони паланг.
1 2 3 4 5 6 >>> |
