Ба ҳақ нолам зи ҳиҷри дӯст зоро,
Саҳаргоҳон чу бар гулбун ҳазоро.

Эй рӯйи ту чу рӯз далели муваҳҳидон
В-эй мӯи ту чунон чу шаби мулҳид аз лаҳад!

Ҳар он гаҳ, ки хӯрӣ май, хуш он гаҳ аст,
Хоса чу гулу ёсаман дамид.

Бар рухаш зулф ошиқ аст чу ман,
Лоҷарам, ҳамчу ман-ш нест қарор.

Агар гул орад бор он рухони ӯ, на шигифт,
Ҳароина чу ҳаме май хӯрад, гул орад бор.

Чокаронат ба гаҳи разм чу хайётонанд,
Гарчи хайёт наянд, эй малики кишваргир!

Гетӣ чу гов нек диҳад шир мар туро,
Худ боз бишканад ба карона ханури шир.

Маро дилест, ки аз ғамгинӣ чу дур шавад,
Ба ғамгинон шаваду ғам фароз гирад вом.

Хирад дар баҳо нақди ҳастӣ фиристад,
Гуҳарҳои рангин чу зояд зи конам.

صحیفه 1/5