Меҳмон
TJ | FA | EN | RU
Мӯҳтавои сайт

Адибони классик

Пайкараи Рӯдакӣ
Пайкараи Мавлоно
Пайкараи Ҳофиз
Шоҳномаи Фирдавсӣ
Саъдии Шерозӣ

Адибони муосир

Пайкараи Лоиқ Шералӣ
Муъмин Қаноат
Ҳабибулло Файзулло
Ҷустуҷӯ

Воридшавӣ
 Номнависӣ
Исм: 
Рамз: 
     
Андарзҳо
Чу аз оштӣ шодӣ ояд ба ҷанг,
Хирадманд ҳаргиз накӯшад ба ҷанг.
Абушакури Балхӣ
www.termcom.tj
Ҳамчун саҳифаи шурӯъ пазируфта шавад
Ба руйхати интихобшуда (дӯстдошта) дохил намудан
Дар бораи сайт
Ба мо нависед!
 

Пайкараи Лоиқ Шералӣ
1941 - 2000


Ишқнома

* * *

Чаро бояд занам лофи муҳаббат?
Чаро осон диҳам фанду фиребат?
Чаро гӯям дурӯғи ростмонанд
Ба пеши рӯю чашмони базебат?

Ту медонӣ, сарам орӣ зи савдо,
Ту медонӣ, дили ман сард гашта
Чу коне, ки расад ганҷаш ба поён,
Дили пурдарди ман бедард гашта.

Ту мегӯӣ ба ман талху киноя,
Ту механдӣ ба савдои дили ман.
Намедонӣ чи исёнҳо гузашта
Дар ин дунё зи дунёи дили ман...

Ту бо ман чанд рӯз улфат гирифтӣ,
Бигуфтӣ ҳарфҳое пора-пора.
Зи дарё як каф обе хурда, рафтӣ,
Надонистӣ, ки дар қаъраш чӣ дора(д)?

Баҳоре бо ман аз саҳро гузаштӣ,
Шикастӣ тугмаи бобунаҳоро.
Сарат бар осмон аз шавқу шодӣ,
Накардӣ фарқ худрову худоро...

Надонистӣ, ки андар синаи ман
Дили хушкидае чун хушкрӯд аст;
Ки обаш аз сари дунё гузашта,
Ки фориғ аз ғами буду набуд аст.

Маро чун раҳшиноси ишқ дидӣ,
Надонистӣ, ки аҳволам чӣ ранг аст,
Надонистӣ, ки дар майдони қисмат
Дилам шаҳри хароби баъди ҷанг аст...

[1982]

 
Мақолаҳои охирин
Озмуни сомонаи беҳтарин бахшида ба 100 солагии Мирзо Турсунзода
Ояндаи Точикистон
Пояҳои густариши забони миллӣ.
Қоидаҳои созиш.
Забони илмӣ ва забони адабии миллӣ.
Забон рукни асоситарини давлатдорист.
Дӯстони мо
www.cit.tj - Мактаби технологияҳои иттилоотӣ ва иртиботӣ
ҶСТП Babilon-T
Хазинаи кӯдакони 'Ошёни баланд' ба номи МирзоТурсунзода
 
   
© 2006-2007 termcom, shuk_design. All Rights Reserved
764025, Ҷумҳурии Тоҷикистон, ш. Душанбе х. Рӯдакӣ 33 tel: (+992 37) 227 28 52; E-mail: info@termcom.tj