Меҳмон
TJ | FA | EN | RU
Мӯҳтавои сайт

Адибони классик

Пайкараи Рӯдакӣ
Пайкараи Мавлоно
Пайкараи Ҳофиз
Шоҳномаи Фирдавсӣ
Саъдии Шерозӣ

Адибони муосир

Пайкараи Лоиқ Шералӣ
Муъмин Қаноат
Ҳабибулло Файзулло
Ҷустуҷӯ

Воридшавӣ
 Номнависӣ
Исм: 
Рамз: 
     
Андарзҳо
Чу аз оштӣ шодӣ ояд ба ҷанг,
Хирадманд ҳаргиз накӯшад ба ҷанг.
Абушакури Балхӣ
www.termcom.tj
Ҳамчун саҳифаи шурӯъ пазируфта шавад
Ба руйхати интихобшуда (дӯстдошта) дохил намудан
Дар бораи сайт
Ба мо нависед!
 

Пайкараи Лоиқ Шералӣ
1941 - 2000


Рӯзҳо мегузаранд

ЁДЕ АЗ БАЧЧАГӢ

Бачча будам. Баҳор мавсими тӯл
Гарчи майлам набуд чӯпонӣ,
Бо чи шавқу талош мерафтам
Фориғи дарс гӯсфан(д)бонӣ,

То даме гул бичинам аз ёла,
Гули кӯҳӣ ба модарам орам.
Ҳамраҳи барраҳо давам ҳар сӯ,
Барраро рӯи даст бардорам;

То даме дар фарози куҳсорон
Тармаҷоро ба чашми худ бинам.
Кокули обшорро бофам,
Сари шах бо хаёл биншинам...

Рӯзе аз рӯзҳо пас аз борон
Шуд ҳаво офтобу абр гурехт.
Гӯӣ борону тобиши хуршед
Дурру марҷон ба рӯи дашт бирехт.

Мечариданд барраҳо озод
Ҷаъдмӯ, ширбоз, бозигар.
Мечариданд мешҳо хуррам
Рӯи дашти фарох сабзаи тар.

Меше як сӯ ба меҳр мелесид
Барраашро, ки буд навзода.
Барра ҷон мегирифту метобид
Ҷаъди мӯяш маҳину озода.

Ногаҳ аз осмон фуруд омад
Каргасе, барраро ба чанг рабуд,
Меш як қад париду наъра кашид,
Ки магар ранҷи ман барои ту буд?!

Каргас андар фазо ҳамепаррид,
Сояаш медавид рӯи замин.
Медавид аз қафои он соя
Меш бо қаҳру бо дили ғамгин.

Соя он қадр дуртар мерафт,
Аз паяш меш он қадар метохт.
Дарнамеёфт сояро гарчанд,
Он қадар тезу тундтар метохт.

Медавидам ман аз қафои меш,
Ки чаро медавӣ, надорад суд.
Барраи ту ба чанги каргас шуд,
Сояи ӯ туро наёрад суд...

Меши бечора боз ҳам метохт,
То бигирад зи соя барраи худ.
Вартае пеш омаду соя
Уфтоду ба варта пинҳон шуд.

Меш бошаст аз паи соя
Аз сари варта хешро афканд.
Аз паяш омадам (чӣ қурбонӣ!)
Меш дар қаъри варта ҷон меканд.

Чашмҳо нимабоз бечора
Мебаровард аз ҷигар ово.
Аз паи баррачеки навзодаш
Ҷони ӯ мепарид сӯи само...

Сари бора нишастаму бехуд
Он қадар ҳой-ҳой гирйистам,
Барраҳои дигар куҷо рафтанд,
Ё чи сон шом шуд, надонистам.

Чун ба худ омадам, гумон кардам
Зери ин осмони бепарво
Каргас он рӯз ҳамраҳи барра
Гӯиё бурд баччагии маро...

[1976]

 
Мақолаҳои охирин
Озмуни сомонаи беҳтарин бахшида ба 100 солагии Мирзо Турсунзода
Ояндаи Точикистон
Пояҳои густариши забони миллӣ.
Қоидаҳои созиш.
Забони илмӣ ва забони адабии миллӣ.
Забон рукни асоситарини давлатдорист.
Дӯстони мо
www.cit.tj - Мактаби технологияҳои иттилоотӣ ва иртиботӣ
ҶСТП Babilon-T
Хазинаи кӯдакони 'Ошёни баланд' ба номи МирзоТурсунзода
 
   
© 2006-2007 termcom, shuk_design. All Rights Reserved
764025, Ҷумҳурии Тоҷикистон, ш. Душанбе х. Рӯдакӣ 33 tel: (+992 37) 227 28 52; E-mail: info@termcom.tj