|
Ҷилди I: ХОЛИГАРӢ КАРДАНИ ИБЛИС
Бад-ӯ - андарун заъфарону гулоб,
Ҳамон солхӯрда маю мушки ноб.
Чу Заҳҳок даст андароварду х(в)ард,
Шигифт омадаш з-он ҳушивор мард.
Бад-ӯ гуфт: «Бингар, ки то орзуй
Чӣ хоҳӣ, бихоҳ аз ман, эй некхӯй»!
Хуришгар бад-ӯ гуфт, к-«Эй подшо,
Ҳамеша бизӣ шоду фармонраво!
Маро дил саросар пур аз меҳри туст,
Ҳама тӯшаи ҷонам аз чеҳри туст.
Яке ҳоҷат астам зи наздики шоҳ,
В-агарчи маро нест ин пойгоҳ,
Ки фармон диҳад шоҳ, то кифти ӯй
Бибӯсам, бимолам бар ӯ чашму рӯй».
1 2 3 4 5 6 >>> |
