|
Ҷилди I: ПУРСИДАНИ ФАРИДУН НАЖОДИ ХУДРО АЗ МОДАР
Бад-ӯ гуфт модар, ки «Ин рой нест,
Туро бо ҷаҳон сар ба сар пой нест.
Ҷаҳондор Заҳҳок бо тоҷугоҳ,
Миён баста фармони ӯро сипоҳ.
Чу хоҳад зи ҳар кишваре сад ҳазор
Камарбаста ояд, кунад корзор.
Ҷуз ин аст оини пайванду кин
Ҷаҳонро ба чашми ҷавонӣ мабин,
Ки ҳар, к-ӯ набиди ҷавонӣ чашид,
Ба гетӣ ҷуз аз хештанро надид.
Бад-он мастӣ-андар диҳад сар ба бод,
Туро рӯз ҷуз шоду хуррам мабод.
Туро, эй писар, панди ман ёд бод,
Ба ҷуз гуфти модар дигар бод бод!»
1 2 3 4 5 >>> |
