|
Ҷилди I: ГУФТОР ДАР ОФАРИНИШИ МАРДУМ
Шунидам зи доно дигаргуна з-ин
Чӣ донем рози ҷаҳонофарин.
Нигаҳ кун, саранҷоми худро бубин,
Чу коре биёбӣ, беҳӣ баргузин!
Ба ранҷ-андар орӣ танатро, равост,
Ки худ ранҷ бурдан ба дониш сазост.
Чу хоҳӣ, ки ёбӣ зи ҳар бад раҳо,
Сар андарнаёрӣ ба доми бало!
Бувӣ, дар ду гетӣ зи бад растагор,
Накӯкор гардӣ бари кирдгор.
Нигаҳ кун аз ин гунбади тезгард,
Ки дармон аз ӯясту з-ӯяст дард.
На гашти замона бифарсоядаш,
На ин ранҷу тимор бигзоядаш.
1 2 >>> |