|
Ҷилди I: ГУРЕХТАНИ САЛМ ВА КУШТА ШУДАНИ
Ӯ БА ДАСТИ МАНУЧЕҲР
Чу пирӯзгар додамон дастгоҳ,
Гунаҳкор шуд раста бо бегуноҳ.
Кунун рӯзи дод асту бедод шуд,
Саронро сар аз куштан озод шуд.
Ҳама меҳр ҷӯеду афсун кунед,
Зи тан олати ҷанг берун кунед.
Хирадманд бошеду покизадин,
Аз офат ҳама поку берун зи кин.
Ба ҷое ки-тон ҳаст обод бум,
Агар Тур, агар Чин, агар марзи Рум,
Ҳама некуӣ бодатон пойгоҳ,
Ба равшанравон бодатон ҷойгоҳ».
Ҳама меҳтарон хонданд офарин
Бар он номвар меҳтари ростин.
1 2 3 4 5 6 7 >>> |