|
Ҷилди I: ФИРИСТОДАН САРИ САЛМРО БА
НАЗДИ ФАРИДУН
Кашидем кин аз саворони Чин,
Кушодем бар ҷони эшон камин.
Ба нерӯи шоҳ он ду бедодгар,
Ки буданд хунӣ зи хуни падар,
Сароншон буридам ба шамшери кин,
Ба пӯлод шустем рӯи замин.
Ман инак паси нома бар сони бод
Биёям, кунам харчӣ рафтаст ёд.
Сӯи диж фиристод Шерӯйро,
Ҷаҳондида марди ҷаҳонҷӯйро.
Бифармуд, к-он хоста баргирой,
Нигаҳ кун, чӣ бояд, ҳамон кун ба рой.
Ба пилони гарданкаш он хоста
Ба даргоҳи шоҳ овар ороста.
1 2 3 4 5 6 7 >>> |
