|
Ҷилди I: ГУФТОР АНДАР МУРДАНИ ФАРИДУН
Ба падруд кардан-ш рафтанд пеш,
Чунон чун бувад расму оину кеш.
Дари дахма бастанд бар шаҳрёр,
Шуд он арҷманд аз ҷаҳон хору зор.
Манучеҳр як ҳафта бо дард буд,
Ду чашмаш пуробу ду рух зард буд.
Яке ҳафта бо сӯг буд шаҳрёр,
Аз ӯ шаҳру бозорҳо сӯгвор.
Ҷаҳоно, саросар фусӯсиву бод,
Ба ту нест марди хирадманд шод.
Якояк ҳаме парваришон ба ноз,
Чи кӯтоҳ умру чи умри дароз.
Чу мар додаро боз хоҳӣ ситад,
Чӣ ғам, гар бувад хок он, гар бусад?
1 2 3 >>> |
