|
Ҷилди I: МАНУЧЕҲР
Туро бод ҷовид тахти равон,
Ҳамон тоҷу ҳам фарраи мӯбадон.
Дили мо якояк ба фармони туст,
Ҳамон ҷони мо зери паймони туст.
Ҷаҳонпаҳлавон Сом бар пой хост,
Бад-ӯ гуфт, к-«Эй довари додрост,
Зи шоҳон маро дида бар дидан аст,
Зи ту доду аз ман писандидан аст.
Падар бар падар шоҳи Эрон туӣ,
Гузини далерону шерон туӣ.
Тану ҷон-т Яздон нигаҳдор бод!
Дилат шодмон, бахт бедор бод!
Ту аз бостон ёдгори манӣ,
Ба тахти каӣ зинҳори манӣ.
Ба разм - андарун шери пояндаӣ,
1 2 3 4 5 6 >>> |
