|
Ҷилди I: ГУФТОР АНДАР ЗОДАНИ ЗОЛ
Кунун пуршигифте яке достон
Бипайвандам аз гуфтаи бостон.
Нигаҳ кун, ки мар Сомро рӯзгор
Чӣ бозӣ намуд, эй писар, гӯш дор.
Набуд эч фарзанд мар Сомро,
Дилаш буд ҷӯё дилоромро.
Нигоре буд андар шабистони ӯй,
Зи гулбарг рух дошт в-аз мушк мӯй.
Аз он моҳаш уммеди фарзанд буд,
Ки хуршедчеҳра барӯманд буд.
Зи Соми Наримон ҳам ӯ бор дошт,
Зи бори гарон тан-ш озор дошт.
Зи модар ҷудо шуд бад-он чанд рӯз,
Нигоре чу хуршеди гетифурӯз.
Ба чеҳра накӯ буд бар сони шед,
1 2 3 4 5 6 7 8 9 >>> |
