|
Ҷилди I: ГУФТОР АНДАР ЗОДАНИ ЗОЛ
Падар меҳр бибриду бифканд хор,
Чу бифканд, бардошт парвардгор.
Яке достон зад бар ин модашер,
Куҷо карда буд бачча аз шир сер,
Ки «Гар ман туро хуни дил додаме,
Сипос эч бар сар-т нанҳодаме,
Ки ту худ маро зинда ҳамчун дилӣ,
Дилам бигсилад, гар зи ман бигсилӣ».
Ҳамон хурдкӯдак бад-он ҷойгоҳ
Шабу рӯз афтода буд бепаноҳ.
Замоне сарангуштро мемакид,
Замоне хурӯшиданӣ мекашид.
Чу Симурғро бачча шуд гурсуна,
Ба парвоз баршуд баланд аз буна.
Яке ширхора хурӯшанда дид,
1 2 3 4 5 6 7 8 9 >>> |
