|
Ҷилди I: ПОДШОҲӢ ДОДАНИ СОМ ЗОЛРО
Бад-ӯ гуфт: -Пардохтан дил сазост
Бипардозу баргӯй, ҳарч-ат ҳавост .
Ситорашумар, марди ахтаргирой
Чунин зад туро з-ахтари нек рой,
Ки эдар туро бошад оромгоҳ,
Ҳам эдар сипоҳу ҳам эдар кулоҳ.
Гузар нест аз ҳукми гардонсипеҳр,
Ҳам эдар бибояд-т густард меҳр.
Кунун гирди хеш андаровар гурӯҳ,
Саворону мардони донишпижӯҳ,
Биёмӯзу бишнав зи ҳар донише,
Биёбӣ зи ҳар донише ромише.
Зи хӯрду зи бахшиш маёсой ҳеч,
Ҳама донишу дод додан басеч !».
Бигуфт ину бархост овои кӯс,
1 2 3 4 5 6 7 >>> |
