|
Ҷилди I: НОМА НАВИШТАНИ ЗОЛ НАЗДИКИ СОМ
ВА АҲВОЛ НАМУДАН
Суханҳои Дастон якояк бихонд,
Бипажмурду бар ҷой хира бимонд.
Писандаш наёмад чунон орзуй,
Дигаргуна пиндошт ӯро ба хӯй.
Чунин дод посух, ки омад падид
Сухан, ҳарчӣ аз гавҳари ӯ сазид.
Чу мурғи жиён бошад омӯзгор,
Чунин коми дил ҷӯяд аз рӯзгор.
Зи нахчир, к-омад сӯи хона боз,
Ба дил-ш - андар андеша омад дароз.
Ҳаме гуфт, агар гӯям ин, нест рой,
Макун доварӣ, сӯи дониш гирой.
Бари додгар низу бар анҷуман
Набошад писандида паймоншикан.
1 2 3 4 5 6 7 8 >>> |
