|
Ҷилди I: ОГОҲӢ ЁФТАНИ СИНДУХТ АЗ КОРИ
РӮДОБА
Миёни сипаҳдору он сарвбун
Зане буд гӯянда, ширинсухун.
Паём оваридӣ сӯи паҳлавон,
Ҳам аз паҳлавон сӯи сарви равон.
Сипаҳдор Дастон мар ӯро бихонд,
Сухан ҳарчӣ бишнид, бо ӯ биронд.
Бад-ӯ гуфт: «Наздики Рӯдоба шав,
Бигӯяш, ки, эй некдил, моҳи нав,
Сухан чун ба тангиву сахтӣ расид,
Фарохишро зуд бинӣ калид».
Фиристода боз омад аз пеши Сом
Або шодмониву фаррухпаём.
Басе гуфту бишниду зад достон,
Саранҷом ӯ гашт ҳамдостон.
1 2 3 4 5 6 7 8 9 10 >>> |