|
Ҷилди I: ОГОҲӢ ЁФТАНИ СИНДУХТ АЗ КОРИ
РӮДОБА
Бузург асту пури ҷаҳонпаҳлавон,
Ҳамаш ному ҳам рою равшан равон.
Ҳунарҳо ҳама ҳасту оҳу яке,
Ки гардад ҳунар пеши ӯ андаке.
Шавад шоҳи Эрон бад-ин хашмнок,
Зи Кобул барорад ба хуршед хок.
Нахоҳад, ки аз тухми мо бар замин
Касе пои хеш андарорад ба зин».
Раҳо кард занрову бинвохташ,
Чунон кард пайдо, ки нашнохташ.
Ба зан гуфт, к-«Эй зираки ҳушёр,
Чунон кун, ҳамеша лабат баста дор.
Мабодо лаби ту ба гуфтор чок,
Суханро ҳамин ҷо фурӯ кун ба хок».
1 2 3 4 5 6 7 8 9 10 >>> |
