|
Ҷилди I: ҲАШМ ГИРИФТАНИ МЕҲРОБ БАР СИНДУХТ
Бигӯй он чӣ донию ҷонро бикӯш,
Ва ё ҷомаи хун ба тан-бар бипӯш».
Бад-ӯ гуфт Синдухт, к-«Эй сарфароз,
Бувад, к-ат наёяд ба хунам ниёз.
Маро рафт бояд ҳаме пеши Сом,
Кашидан мар ин теғро аз ниём.
Бигӯям бад-ӯ, он чӣ гуфтан сазад,
Хирад хомгуфторҳоро пазад.
Зи ман ранҷи ҷону зи ту хоста,
Супурдан ба ман ганҷи ороста».
Бад-ӯ гуфт Меҳроб, к-«Инак калид,
Ғами ганҷ ҳаргиз набояд кашид.
Парастандаву аспу тахту кулоҳ,
Биёрою бо хештан бар ба роҳ.
1 2 3 4 5 >>> |
