|
Ҷилди II: ОВАРДАНИ РУСТАМ КАЙҚУБОДРО
АЗ КӮҲИ АЛБУРЗ
Биёмад дамон то лаби рӯдбор,
Нишастанд дар зери он соядор.
Ҷавон аз бари тахти заррин нишаст,
Гирифта яке дасти Рустам ба даст.
Ба дасти дигар ҷом пурбода кард,
В-аз ӯ ёди мардони озода кард.
Дигар ҷоми бода ба Рустам супурд,
Бад-ӯ гуфт, к-«Эй номбардор гурд,
Бипурсидӣ аз ман нишони Қубод,
Ту ин номро аз кӣ дорӣ ба ёд?»
Бад-ӯ гуфт Рустам, ки «Эй паҳлавон,
Паём оваридам ба равшанравон.
Сари тахти Эрон биёростанд,
Бузургон ба шоҳӣ варо хостанд. 1 2 3 4 5 6 7 8 9 10 11 12 13 14 15 16 17 >>> |