|
Ҷилди II: ХОНИ СЕВУМ
ҶАНГИ РУСТАМ БО АЖДАҲО
Барошуфту рухсора гулранг кард.
Биёбон ҳама сар ба сар бингарид,
Ҷуз аз тирагӣ шаб ба дида надид.
Бад-он меҳрбон Рахши бедор гуфт,
Ки «Торикии шаб нахоҳӣ нуҳуфт?
Сарамро ҳаме боздорӣ зи хоб,
Ба бедории ман гирифтат шитоб?
Гар ин бор созӣ чунин растахез,
Саратро бибуррам ба шамшери тез.
Пиёда шавам сӯи Мозандарон,
Кашам хӯду шамшеру гурзи гарон.
Туро гуфтам, ар шерат ояд ба ҷанг,
Зи баҳри ту орам ман ӯро ба чанг.
Нагуфтам, ки имшаб ба ман баршитоб,
Ҳамебош, то ман наҷунбам зи хоб.»
1 2 3 4 5 6 7 >>> |
