|
Ҷилди II: ГИРИФТАНИ ШОҲИ ҲОМОВАРОН КОВУСРО
Бувад низ пайваста хунӣ, ки меҳр
Бибуррад зи ту, то бигардад-ш чеҳр.
Чу меҳри касеро бихоҳӣ ба суд,
Бибояд ба суду зиён озмуд.
Бувад, к-ӯ ба ҷоҳ аз ту камтар бувад,
Ҳам аз рашки меҳри ту лоғар бувад.
Чунин аст кайҳони нопокрой,
Ба ҳар бод хира биҷунбад зи ҷой.
Чу Ковус бар хирагӣ баста шуд,
Ба Ҳомоварон рой пайваста шуд.
Яке кӯҳ будаш, сар андар саҳоб,
Баровардаи Эзад аз қаъри об.
Яке диж бароварда дар кӯҳсор,
Ту гуфтӣ, сипеҳр асташ андар канор.
1 2 3 4 5 6 7 8 >>> |
