|
Ҷилди II: ТОХТ КАРДАНИ АФРОСИЁБ БАР ЭРОНЗАМИН
Шикор асту маргаш ҳаме бишкарад.
Ҳама дар гирифтанд эронсипоҳ,
Бар эрониён гашт гетӣ сиёҳ.
Ду баҳра сӯи Зобулистон шуданд,
Ба хоҳиш бари пури Дастон шуданд,
Ки моро зи бадҳо ту бошӣ паноҳ,
Чу гум шуд кунун фарри Ковусшоҳ.
Бигуфтанд ҳар кас, ки шӯрид бахт,
Ба пеш андаромад кунун кори сахт
Дареғ аст Эрон, ки вайрон шавад,
Куноми палангону шерон шавад.
Ҳама ҷои ҷангисаворон будӣ,
Нишастангаҳи шаҳрёрон будӣ.
Кунун ҷои сахтиву ҷои балост,
1 2 3 4 >>> |
