|
Ҷилди II: РАЗМ КАРДАНИ РУСТАМ БО СЕ ШОҲ
ВА РАҲО ШУДАНИ КОВУС АЗ БАНД
Ту гуфтӣ ҳаво бар замин лола кишт.
Бад-он сӯ, ки ӯ Рахшро рондӣ,
Ту гуфтӣ, ки оташ барафшондӣ.
Зи хун дашт гуфтӣ, ки рӯди Зам аст,
На разми гави пилтан Рустам аст.
Бурида зи ҳар сӯ сари таргдор,
Пароканда хафтон ҳама дашту ғор.
Таҳамтан мар он Рахшро тез кард,
Зи хуни фурӯмоя парҳез кард.
Ҳаме тохт андар паи шоҳи Шом,
Бияндохт аз бод он хамми хом.
Миёнаш ба ҳалқа даровард гурд,
Ту гуфтӣ ҳам андар миёнаш фишурд.
Зи зин баргирифташ ба кирдори гӯй, 1 2 3 4 5 6 7 >>> |