|
Ҷилди II: ПАЙҒОМ ФИРИСТОДАНИ КОВУС БА НАЗДИ КАЙСАРИ РУМ ВА АФРОСИЁБ
Сипаҳдор чун кор з-он гуна дид,
Бе оташ буҷӯшид ҳамчун набид.
Ба овоз гуфт: «Эй далерони ман,
Гузида бузургону шерони ман,
Шуморо зи баҳри чунин рӯзгор
Ҳаме парваронидам андар канор,
Ки бо душманам теғбозӣ кунед,
Бад-ин гуна дар ҷанг тозӣ кунед.
Бикӯшеду ҳампушт ҷанг оваред,
Ҷаҳонро ба Ковус танг оваред!
Ялонро ба жӯпину ханҷар занед,
Сари саркашонро зи тан барканед!
Ҳамон Рустами сагзии шердил,
Ки аз теғи ӯ гашт гардун хиҷил, 1 2 3 4 5 6 7 8 9 >>> |