|
Ҷилди II: ГУЗИДАНИ СӮҲРОБ АСПРО
Ман акнун бибояд саворӣ кунам,
Ба Ковус-бар рӯз торӣ кунам.»
Бигуфт ину омад сӯи хона боз,
Ҳаме ҷанги эрониён кард соз.
Зи ҳар сӯ сипаҳ шуд бар ӯ анҷуман,
Ки ҳам богуҳар буду ҳам теғзан.
Ба пеши ниё шуд ба хоҳишгарӣ,
В-аз ӯ хост дастуриву ёварӣ,
Ки хоҳам шудан сӯи Эронзамин,
Ки бинам мар он боби боофарин.
Чу шоҳи Самангон чунин дид боз,
Бубахшид ӯро зи ҳар гуна соз.
Зи тоҷу зи тахту кулоҳу камар,
Зи аспу зи астар, зи зарру гуҳар
Зи хафтони румиву сози набард, 1 2 3 4 5 >>> |