|
Ҷилди II: РАЗМИ СӮҲРОБ БО ГУРДОФАРИД
Чу бар зин бупечид Гурдофарид,
Яке теғи тез аз миён баркашид,
Бизад, найзаи ӯ ба ду ним кард,
Нишаст аз бари зину бархост гард.
Ба овард бо ӯ басанда набуд,
Битобид аз ӯ рӯю баргошт зуд.
Сипаҳбад инон аждаҳоро супурд,
Ба хашм аз ҷаҳон равшаноӣ бибурд.
Чу омад хурӯшон ба танг-андараш,
Биҷунбиду бардошт хӯд аз сараш,
Раҳо шуд зи банди зиреҳ мӯи ӯй,
Дурафшон чу хуршед шуд рӯи ӯй.
Бидонист Сӯҳроб, к-ӯ духтар аст,
Сари мӯи ӯ аз дури асфар аст.
1 2 3 4 5 6 7 8 9 10 11 12 13 >>> |
