|
Ҷилди II: НОМАИ ГАЖДАҲАМ БА НАЗДИКИ КОВУС
Чу баргашт Сӯҳроб, Гаждаҳми пир
Биёварду биншонд марди дабир.
Яке нома бинвишт наздики шоҳ,
Барафканд пӯянда марде ба роҳ.
Нахуст офарин кард бар шаҳрёр,
Намуд он гаҳе гардиши рӯзгор,
Ки омад бари мо сипоҳи гарон,
Ҳама размҷӯёну кундоварон.
Яке паҳлавоне ба пеш-андарун,
Ки солаш зи ду ҳафт н-омад фузун.
Ба боло зи сарви саҳӣ бартар аст,
Чу хуршеди тобон бад-ӯ пайкар аст.
Бараш чун бари шеру болош бурз,
Ба Эрон надидам чунин дасту гурз.
Чу шамшери ҳиндӣ ба чанг оядаш,
1 2 3 4 >>> |
