|
Ҷилди II: НОМАИ ГАЖДАҲАМ БА НАЗДИКИ КОВУС
Чу шамшери ҳиндӣ ба чанг оядаш,
Зи дарёву аз кӯҳ нанг оядаш.
Чу овози ӯ раъди ғурранда нест,
Чу бозуи ӯ теғи бурранда нест.
Ба Эрону Турон чун ӯ мард нест,
Зи гурдон кас ӯро ҳамовард нест.
Ба ном аст Сӯҳроб гурди далер,
На аз дев печад, на аз пилу шер.
Ту гӯӣ магар бегумон Рустам аст,
Ва ё гурде аз тухмаи Найрам аст
Ҳаҷири диловар миёнро бубаст,
Яке бораи тезтак барнишаст.
Бишуд пеши Сӯҳроб размозмой,
Бар аспаш надидам фузун з-он ба пой,
1 2 3 4 >>> |