|
Ҷилди II: ХАШМ ГИРИФТАНИ КОВУС БАР РУСТАМ
Ҳама ҳар чи гуфтӣ, сазои ман аст,
Зи ту некуиҳо ба ҷои ман аст.
Нишондам бад-ин тахт ман Кайқубод,
Чи Ковус донам, чи хашмаш, чи бод.
В-агар Кайқубодам зи Албурзкӯҳ
Ба зорӣ фитода миёни гурӯҳ,
Наёвардаме ман ба Эронзамин,
Набастӣ камарбанду шамшери кин,
Туро ин бузургӣ набудиву ком,
Ки гӯӣ суханҳо ба Дастони Сом!
Ба эрониён гуфт: Сӯҳроби гурд
Биёяд, намонад бузургу на хурд.
Шумо ҳар яке чораи ҷон кунед,
Хирадро бад-ин кор дармон кунед.
1 2 3 4 5 6 7 8 9 10 11 12 13 14 15 16 17 18 >>> |