|
Ҷилди II: ОМАДАНИ КАЙҚУБОД БА ИСТАХРИ ПОРС
Нигар, то ба кайҳон чунин шоҳ кист.
Писар буд хирадманд ӯро чаҳор,
Ки буданд аз ӯ дар ҷаҳон ёдгор.
Нахустин чу Ковуси боофарин,
Каёраш дувум буд, сеюм Кайпашин.
Чаҳорум Каярмин куҷо буд ном,
Сипарданд гетӣ ба орому ком.
Чу сад сол бугзашт бо тоҷу тахт,
Саранҷом тоб андаромад ба бахт.
Чу донист, к-омад ба наздики марг,
Бипажмурд хоҳад ҳаме сабз барг.
Гаронмоя Ковуси кайро бихонд,
Зи доду диҳиш чанд бо ӯ биронд.
Бад -ӯ гуфт: Мо барниҳодем рахт,
Ту бугзор тобуту бардор тахт.
1 2 3 4 5 >>> |
