|
Ҷилди II: ВАФОТ ЁФТАНИ МОДАРИ СИЁВУШ
Чу Тусу Фарибурзу Гударзу Гев,
Чи шаҳзода, чи паҳлавонони нев.
Сиёвуш чу рухсори эшон бидид,
Зи дил боз оҳи дигар баркашид.
Зи нав гиряи дигар оғоз кард,
Дари андуҳони дилаш боз кард.
Чу Гударз он сӯги шаҳзода дид,
Дижам шуд, чу он сарви озода дид,
Бихарҷиду гуфташ, ки «Эй шоҳзод,
Шунав панду аз нав макун сӯг ёд,
Ҳар он кас, ки зод ӯ зи модар, бимурд,
Зи дасти аҷал ҳеч кас ҷон набурд.
Кунун гарчи модар-т шуд ёдгор,
Ба минӯст ҷои вай, андуҳ мадор».
1 2 >>> |