|
Ҷилди II: ОМАДАНИ СИЁВУШ БОРИ
ДУВУМ БА ШАБИСТОН
Рухони Сиёвуш чи гул шуд зи шарм,
Биёрост мижгон ба хуноби гарм.
Чунин гуфт бо дил, ки аз кори дев
Маро дур дород кайвонхидев.
На ман бо падар бевафоӣ кунам,
На бо Аҳриман ошноӣ кунам.
Агар сард гӯям бар ин шӯхчашм,
Биҷӯшад дилаш, гарм гардад зи хашм,
Яке ҷодуӣ созад андар ниҳон,
Бад-ӯ бигравад шаҳрёри ҷаҳон.
Ҳамон беҳ, ки бо ӯ ба овози нарм
Сухан гӯяму дорамаш чарбу гарм.
Сиёвуш аз он пас ба Судоба гуфт,
Ки «Андар ҷаҳон мар туро нест ҷуфт.
1 2 3 4 5 6 7 8 9 10 >>> |