|
Ҷилди II: ЧОРА СОХТАНИ СУДОБА ВА ЗАНИ ҶОДУ
Магар, к-ин чунин банд чандин дурӯғ
Бад-ин баччаи ту бигирад фурӯғ.
Ба Ковус гӯям, ки ин аз ман аст,
Чунин кушта бар дасти Аҳриман аст.
Магар, к-ин шавад бар Сиёвуш дуруст,
Кунун чораи ин бибояд-т ҷуст.
Гар ин нашнавӣ, оби ман назди шоҳ
Шавад тираву дур монам зи гоҳ.»
Бад-ӯ гуфт зан: «Ман туро бандаам,
Ба фармону роят сарафкандаам.»
Чу шаб тира шуд, доруе хӯрд зан,
Бияфтояд аз ӯ баччаи Аҳриман.
Ду бачча чунон, чун бувад девзод,
Чи бошад худ аз деви ҷодунажод.
1 2 3 4 >>> |
