|
Ҷилди II: ПОСУХИ НОМАИ СИЁВУШ АЗ КАЙКОВУС
Ҳаме аз лабат шир бӯяд ҳанӯз,
Ки зад бар камони ту аз ҷанг туз.
Ҳамеша ҳунарманд бодо танат,
Расида ба ком он дили равшанат!
Аз он пас, ки пирӯз гаштӣ ба ҷанг,
Ба кор-андарун кард бояд диранг.
Набояд пароканда кардан сипоҳ,
Бипаймой роҳу биёрой гоҳ,
Ки он турк бадпешаву риман аст,
Ки ҳам баднажод асту Аҳриман аст.
Ҳамон бокулоҳ асту бодастгоҳ,
Ҳам ӯ сар барорад ба хуршеду моҳ.
Макун ҳеч бар ҷанг ҷустан шитоб,
Ба ҷанги ту худ ояд Афросиёб.
1 2 3 4 5 >>> |
