|
Ҷилди II: ХОБ ДИДАНИ АФРОСИЁБ ВА ТАРСИДАН
Бад-он то хирад боз ёбам яке,
Ба бар гиру сахтам бигир андаке.»
Замоне баромад, чу омад ба ҳуш,
Ҷаҳон дид бо нолаву бо хурӯш.
Ниҳоданд шамъу баромад ба тахт,
Ҳаме буд ларзон чу шохи дарахт.
Бипурсид Гарсевази номҷӯй,
Ки «Букшой лаб, ин шигифтӣ бигӯй».
Чунон гуфт пурмоя Афросиёб,
Ки Ҳаргиз касе ин набинад ба хоб.
Чунон чун шаби тира ман дидаам,
Зи пиру ҷавон низ нашнидаам.
Биёбон пур аз мор дидам ба хоб,
Замин пур зи гард, осмон пуруқоб.
1 2 3 4 5 >>> |