|
Ҷилди II: ПУРСИДАНИ АФРОСИЁБ МӮБАДОНРО АЗ ХОБ
В-аз он пас бигуфт, он чи дар хоб дид,
Чу мӯбад зи шоҳ он суханҳо шунид,
Битарсид в-аз шоҳ зинҳор хост,
Ки «Ин хоб гуфтан наёрем рост.
Магар шоҳ бо банда паймон кунад,
Забонро ба посух гаравгон кунад,
К-аз ин дар сухан ҳар чи дорем ёд,
Кушоем бар шоҳу ёбем дод.»
Ба зинҳор додан забон дод шоҳ,
К-аз он бад аз эшон набинад гуноҳ.
Забоноваре буд бисёрмағз,
Ки ӯ баркушодӣ суханҳои нағз.
Чунин гуфт, к-«Эй подшоҳи ҷаҳон,
Кунам ошкоро ба ту-бар ниҳон.
1 2 3 4 5 >>> |
