|
Ҷилди II: ПАЙМОН КАРДАНИ СИЁВУШ БО АФРОСИЁБ
Диле к-аз хирад гардад ороста,
Чу ганҷе бувад пурзару хоста.
Агар зери нӯш-андарун заҳр нест,
Дилатро зи ранҷу зиён баҳр нест.
Чу паймон ҳаме дошт хоҳӣ дуруст,
Тани сад, ки пайвастаи хуни туст,
Зи гурдон, ки Рустам бидонад ҳаме,
Куҷо номашон бар ту хонад ҳаме,
Бари ман фиристӣ ба расми наво,
Ки бошад ба гуфтори ту-бар гуво.
Ва дигар аз Эронзамин ҳар чӣ ҳаст
Ки он шаҳрҳоро ту дорӣ ба даст,
Бипардозиву худ ба Турон шавӣ,
Зи ҷангу зи киноварон биғнавӣ.
1 2 3 4 5 >>> |