|
Ҷилди II: ФИРИСТОДАНИ СИЁВУШ РУСТАМРО
БА НАЗДИ КОВУС
Ҳамон офаринандаи ҳуру моҳ,
Физояндаи бахту тахту кулоҳ.
Аз ӯ бод бар шаҳрёр офарин –
Ҷаҳондору аз номдорон гузин.
Расида ба ҳар неку бад рои ӯй
Сутуни хирад бод болои ӯй!
Расидам ба Балху ба хуррамбаҳор,
Ҳамон шодмон будам аз рӯзгор.
Зи ман чун хабар ёфт Афросиёб,
Сияҳ шуд ба ҷом - андараш равшан об.
Бидонист, к-он кор душвор гашт,
Ҷаҳон тира шуд, бахти ӯ хор гашт,
Биёмад бародар-ш бо хоста,
Басе хубрӯёни ороста,
1 2 3 4 5 >>> |