|
Ҷилди II: ФИРИСТОДАНИ КОВУС РУСТАМРО БА СИСТОН
Чу бишнид Ковус, шуд пур зи хашм,
Барошуфт аз он кору бикшод чашм.
Ба Рустам чунин гуфт шоҳи ҷаҳон,
Ки «Эдар намонад сухан дар ниҳон,
Ки ин дар сари ӯ ту афкандаӣ,
Чунин бехи кин аз дилаш кандаӣ.
Таносонии хеш ҷустӣ дар ин,
На афрӯзиши тоҷу тахту нигин.
Ту эдар бимон, то сипаҳдор Тус
Бубандад бар ин кор бар пил кӯс.
Ман акнун ҳаюне фиристам ба Балх
Яке номае бо суханҳои талх.
Сиёвуш агар сар зи фармони ман
Бипечад, наёяд ба паймони ман,
1 2 >>> |